Mixed Recycling and Green Waste Contamination (Hmong version)
- Tus neeg tuaj sau koj cov khoom pov tseg yuav xyuas koj ob lub thoob ntim koj cov nroj tsuag tsis yuav thiab cov khoom coj mus ua dua los siv sib txuam ua ke kom paub tseeb tias tsis muaj cov khoom yuav tsis tau txuam nyob hauv cov thoob no.
- Yog pom muaj khoom phem txuam rau koj lub (cov) thoob ntim cov nroj tsuag tsis yuav thiab cov khoom coj mus ua dua los siv sib txuam ua ke, koj yuav tau txais ib tsab ntawv qhia rau koj paub tias koj tau ua tsis raws Tuam Tsev Cov Kev Cai Tswj Nroj Tsuag Tsis Yuav/Kev Coj Khoom Mus Ua Dua Los Siv (Green Waste/Recycling Contamination Policies). (txuas mus rau cov nplooj ntawv qhia cov nroj tsuag tsis yuav thiab khoom coj mus ua dua los siv uas yuav tau/yuav tsis tau)
- Koj yuav raug tsub ib qho nqi ntxiv rau koj daim nqi tom ntej no yog peb tseem tau muab lub thoob nchuav rau lub tsheb thauj khoom pov tseg.
- Yuav muab ob zaug los yog ntau zaus dua pub rau koj kho qhov teeb meem no kom yog.
- Yog tias, tom qab koj tau txais tsab ntawv qhia kev ua txhaum zaum peb, tseem pheej muaj qhov teeb meem ntxiv, lub Tuam Tsev yuav muab koj lub (cov) thoob ntim nroj tsuag tsis yuav thiab/los yog cov khoom coj mus ua dua los siv sib txuam ua ke tshem thiab muab lub thoob ntim khoom pov tseg los hloov rau. Qhov no yuav hloov qib kev pab rau koj thiab koj daim nqi
 txhua lub hlis yuav nce. (txuas rau nplooj ntawv teev Cov Nqi Tsub)
- Yog qib kev pab koj hloov mus ua kev thauj khoom pov tseg xwb, nws yuav kav mus txog rau lub hlis. Tom qab rau lub hlis, koj hu cuag tau Chaw Pab Qhua, 916-875-5555, Zwj Hli (Mon) – Zwj Kuab (Fri), 7:30 sawv ntxov – 5:30 tsaus ntuj, mus thov kom rov muab cov kev sau khoom coj mus ua dua los siv sib txuam thiab cov nroj tsuag tsis yuav rau koj.
- Lub Tuam Tsev sib zog ua hauj lwm kom muab tau cov kev pab cuam thiab cov nqi tsub txhua lub hlis zoo tshaj plaws rau peb cov qhua. Thov nco ntsoov cais koj cov khoom pov tseg, cov nroj tsuag tsis yuav thiab cov khoom coj mus ua dua los siv sib txuam ua ke rau hauv cov thoob ntim kom yog. Yog cais raws li no, koj yuav tswj tau kom koj daim nqi tsub txhua lub hlis qis npaum li qis tau.
- Yog koj muaj lus nug, thov hu rau Chaw Pab Qhua ntawm 916-875-5555, Zwj Hli (Mon) – Zwj Kuab (Fri), 7:30 sawv ntxov – 5:30 tsaus ntuj. Thov cov TDD (puas kev hnov lus) hu 916-875-7105; tus xov tooj hu kev deb dawb 1-800-932-8990.
- Yog koj muaj cov pob khoom loj loj, thov siv Kev Teem Sij Hawm Khaws Tu Zej Zog (Appointment Based Neighborhood Cleanup Service). Muaj kev tuaj nqa khoom loj ib xyoos ib zaug pub dawb rau koj uas tsis tsub nqi ntxiv. Muaj kev tsub $25 ntxiv rau kev tuaj nqa khoom loj. Hu Chaw Pab Qhua ntawm 916-875-5555 mus teem lub sij hawm tuaj sau koj cov khoom los yog teem sij hawm saum huab cua tau.
|